ಶಿವಲಿಂಗಾಪುರಂ ಬಳಿ ಹಳಿ ತಪ್ಪಿದ 11 ಬೋಗಿಗಳ ಗೂಡ್ಸ್ ಟ್ರೈನ್ : ರೈಲು ಸಂಚಾರದಲ್ಲಿ ಭಾರೀ ವ್ಯತ್ಯಯ
ಒಡಿಶಾ : ಆಂಧ್ರಪ್ರದೇಶದ ಶಿವಲಿಂಗಾಪುರಂ ಸಮೀಪ ಗುರುವಾರ ಬೆಳಗ್ಗೆ 11 ಬೋಗಿಗಳ ಗೂಡ್ಸ್ ಹೊಂದಿದ್ದ ರೈಲು ಹಳಿ ತಪ್ಪಿದ ಪರಿಣಾಮ ಈ ಮಾರ್ಗದ ರೈಲು ಸಂಚಾರದಲ್ಲಿ ಭಾರೀ ವ್ಯತ್ಯಯ ಉಂಟಾಗಿದೆ.
ಮುಂಜಾನೆ 2.50ರ ನಸುಕಿನ ಸಮಯದಲ್ಲಿ ಗೂಡ್ಸ್ ರೈಲು ಅರಕುನಿಂದ ಕೊಥಾವಲಸ ಕಡೆಗೆ ಸಾಗುತ್ತಿದ್ದಾಗ ರೈಲು ಹಳಿ ತಪ್ಪಿದ ಹಿನ್ನೆಲೆ ಕೊರಾಪುಟ್ ಮಾರ್ಗವಾಗಿ ತೆರಳುವ ವಿಶಾಖಪಟ್ಟಣ- ಜಗದಲ್ಪುರ್ ಪ್ಯಾಸೆಂಜರ್ ರೈಲು ಸಂಚಾರ ರದ್ದುಗೊಂಡಿದೆ.
ಯಾವುದೇ ಹಾನಿ ಸಂಭವಿಸಿಲ್ಲ. ರಕ್ಷಣಾ ತಂಡ, ತಾಂತ್ರಿಕ ತಂಡ, ಎಲೆಕ್ಟ್ರಿಕಲ್ ವಿಭಾಗ ಮತ್ತು ರೈಲ್ವೆ ಇಲಾಖೆ ತಂಡ ತಕ್ಷಣಕ್ಕೆ ಸ್ಥಳಕ್ಕೆ ಆಗಮಿಸಿದ್ದು, ಈ ಸಂಬಂಧ ತನಿಖೆ ಶುರು ಮಾಡಿದೆ.
ಇನ್ನು ಹಳಿ ತಪ್ಪಿದ ಸ್ಥಳಕ್ಕೆ ಕೂಡಲೇ, ವಿಶಾಖ ಪಟ್ಟಣಂನಿಂದ ಕೂಡ ರಕ್ಷಣಾ ತಂಡ ಧಾವಿಸಿದ್ದು. ಈ ಅಪಘಾತದಿಂದ ಹಾನಿಗೊಳಗಾದ ಹಳಿಗಳನ್ನು ಸರಿಪಡಿಸಿ, ಸಾಧ್ಯವಾದಷ್ಟು ಬೇಗ ರೈಲು ಸೇವೆಗಳನ್ನು ಪುನಾರಂಭಿಸಲು ಪ್ರಯತ್ನಿಸುತ್ತೇವೆ ಎಂದು ಮೂಲಗಳು ತಿಳಿಸಿವೆ.
