SBI' ಗ್ರಾಹಕರೇ, ನಿಮ್ಮ ಖಾತೆಯಿಂದ ₹295 ಹಣ ಕಟ್ ಆಗಿದ್ಯಾ.? 'ಕಾರಣ' ಇಲ್ಲಿದೆ.!
ನವದೆಹಲಿ : ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ದೇಶದ ಅತಿದೊಡ್ಡ ಸಾರ್ವಜನಿಕ ವಲಯದ ಬ್ಯಾಂಕ್ ಆಗಿದ್ದು, ಇದು ಸಾವಿರಾರು ಶಾಖೆಗಳ ಮೂಲಕ ಗ್ರಾಹಕರಿಗೆ ತನ್ನ ಸೇವೆಗಳನ್ನ ಒದಗಿಸುತ್ತದೆ. ವಿಶಾಲವಾದ ಶಾಖೆಯ ಜಾಲಗಳೊಂದಿಗೆ, ಬ್ಯಾಂಕ್ ದೇಶದ ಗ್ರಾಮೀಣ ಮತ್ತು ಮಧ್ಯಮ ವರ್ಗದ ಜನರಿಗೆ ಯಶಸ್ವಿಯಾಗಿ ಸೇವೆ ಸಲ್ಲಿಸುತ್ತಿದೆ.
ಈ ಗ್ರಾಹಕರ ಖಾತೆಯಿಂದ 295 ರೂಪಾಯಿ ಕಡಿತ.!
ಮಾರ್ಚ್ 2ರಂದು ಸಾಮಾಜಿಕ ಜಾಲತಾಣಗಳಲ್ಲಿ ಹಲವರು ಸದ್ದು ಮಾಡ ತೊಡಗಿದ್ದು, ತಮ್ಮ ಸ್ಟೇಟ್ ಬ್ಯಾಂಕ್ ಖಾತೆಯಿಂದ ಹಣ ಕಟ್ ಆಗಿದೆ ಎಂಬಂತೆ ಸ್ಕ್ರೀನ್ ಶಾಟ್ ಹಾಕುತ್ತಾ ಪ್ರಶ್ನೆಗಳನ್ನ ಎಸೆದಿದ್ದಾರೆ. ತಮ್ಮ ಉಳಿತಾಯ ಖಾತೆಯಿಂದ ಹಣ ಕಡಿತಗೊಂಡಿದೆ ಎಂದು ಗ್ರಾಹಕರು ದೂರಿದ್ದಾರೆ. ಆದರೆ ಈ ಹಣ ಕಡಿತದ ಹಿಂದೆ ಒಂದು ಕಾರಣವಿದೆ. ಆ ಕಾರಣ ತಿಳಿಯದೇ ಹಣ ಕಡಿತಗೊಳಿಸಿದ್ದು ಏಕೆ.? ಎಂದು ಬ್ಯಾಂಕಿಂಗ್ ವಲಯದ ತಜ್ಞರು ವಿವರಿಸಿದ್ದಾರೆ. ಹಾಗಿದ್ರೆ, SBI ಉಳಿತಾಯ ಖಾತೆಗಳಿಂದ ಹಣ ಕಡಿತಗೊಳ್ಳಲು ಕಾರಣವೇನು ಎಂದು ತಿಳಿಯೋಣ.
ಮಾರ್ಚ್ 2ರಂದು ಹಲವು ಎಸ್ಬಿಐ ಗ್ರಾಹಕರು ತಮ್ಮ ಉಳಿತಾಯ ಖಾತೆಯಿಂದ 295 ರೂಪಾಯಿ ಕಡಿತಗೊಂಡಿದೆ ಎನ್ನಲಾಗಿದೆ. ಸಾಮಾನ್ಯವಾಗಿ ಬ್ಯಾಂಕ್ಗಳು ಸೇವಾ ಶುಲ್ಕದ ಹೆಸರಿನಲ್ಲಿ ಖಾತೆಗಳಿಂದ ಹಣವನ್ನ ಕಡಿತಗೊಳಿಸುತ್ತವೆ. ಆದ್ರೆ, ಈಗ ಖಾತೆಗಳಿಂದ ಕಟ್ ಆಗಲು ಕಾರಣವೇ ಬೇರೆ. NACH ನಿಯಮಗಳ ಕಾರಣದಿಂದಾಗಿ, ಬ್ಯಾಂಕ್ ಖಾತೆಗಳಿಂದ ಹಣವನ್ನ ಕಡಿತಗೊಳಿಸಲಾಗಿದೆ. ರಾಷ್ಟ್ರೀಯ ಸ್ವಯಂಚಾಲಿತ ಕ್ಲಿಯರಿಂಗ್ ಹೌಸ್'ನ್ನ NPCA ಸ್ಥಾಪಿಸಿದೆ.
ಸಾಮಾನ್ಯವಾಗಿ, ನಾವು ಯಾವುದೇ ಸಾಲವನ್ನ ತೆಗೆದುಕೊಂಡರೆ ಅಥವಾ ಯಾವುದೇ ವಸ್ತುವನ್ನ ಖರೀದಿಸಿದರೆ, ನಾವು ಅದಕ್ಕೆ ಮಾಸಿಕ EMI ಪಾವತಿಸುತ್ತೇವೆ. ಪ್ರತಿ ತಿಂಗಳು ಅವರ EMI ಪಾವತಿಸಲು ನಿಗದಿತ ದಿನಾಂಕವಿದೆ. ಆ ದಿನಾಂಕದೊಳಗೆ ನಿಮ್ಮ ಬ್ಯಾಂಕ್ ಖಾತೆಯಲ್ಲಿ EMI ಗಾಗಿ ನೀವು ಸಾಕಷ್ಟು ಹಣವನ್ನ ಹೊಂದಿರಬೇಕು. ಇಲ್ಲದಿದ್ದರೆ ರೂ. 250 ದಂಡ ವಿಧಿಸಲಾಗುವುದು. ಇದಕ್ಕಾಗಿ, 18% GST ಜೊತೆಗೆ 45 ರೂಪಾಯಿಗಳನ್ನ SBI ಉಳಿತಾಯ ಖಾತೆಯಿಂದ ಕಡಿತಗೊಳಿಸಲಾಗುತ್ತದೆ, ಒಟ್ಟು ರೂ.250 + ರೂ.45 = ರೂ.295. ಖಾತೆಯಿಂದ ಹಣವನ್ನು ಕಡಿತಗೊಳಿಸುವುದನ್ನ ತಪ್ಪಿಸಲು, ನಿಗದಿತ EMI ದಿನಾಂಕಕ್ಕಿಂತ ಒಂದು ದಿನ ಮುಂಚಿತವಾಗಿ ಹಣವು ಬ್ಯಾಂಕ್ ಖಾತೆಗಳಲ್ಲಿದೆ ಎಂದು ಖಚಿತಪಡಿಸಿಕೊಳ್ಳುವುದು ಅವಶ್ಯಕ.
