ʻವೊಡಾಫೋನ್ ಐಡಿಯಾʼದ 2 ಬಿಲಿಯನ್ ಡಾಲರ್‌ ಮೌಲ್ಯದ ಸಾಲದ ಬಾಕಿಯನ್ನು ಈಕ್ವಿಟಿಯಾಗಿ ಪರಿವರ್ತಿಸಿದ ಕೇಂದ್ರ
ನವದೆಹಲಿ: ಕೇಂದ್ರ ಸರ್ಕಾರವು ವೊಡಾಫೋನ್ ಐಡಿಯಾದ 2 ಬಿಲಿಯನ್ ಡಾಲರ್‌ ಮೌಲ್ಯದ ಸಾಲದ ಬಾಕಿಯನ್ನು ಈಕ್ವಿಟಿಯನ್ನಾಗಿ ಪರಿವರ್ತಿಸಲಿದೆ. ಈ ಮೂಲಕ ತಾನೂ ಕೂಡ ಶೇಕಡಾ 33 ರಷ್ಟು ಈಕ್ವಿಟಿಯನ್ನು ಹೊಂದಲಿದೆದೆ ಮತ್ತು ಇದು ಟೆಲಿಕಾಂ ಸಂಸ್ಥೆಯಲ್ಲಿ ಅತಿದೊಡ್ಡ ಷೇರುದಾರನಾಗಲಿದೆ.
ವೊಡಾಫೋನ್ ಐಡಿಯಾ 16,133 ಕೋಟಿ ರೂ. ಬಾಕಿಯನ್ನು ಈಕ್ವಿಟಿಯಾಗಿ ಪರಿವರ್ತಿಸುತ್ತದೆ ಮತ್ತು ತಲಾ ₹ 10 ಕ್ಕೆ ಷೇರುಗಳನ್ನು ನೀಡುತ್ತದೆ ಎಂದು ಕಂಪನಿಯು ಮಾರುಕಟ್ಟೆ ಫೈಲಿಂಗ್‌ನಲ್ಲಿ ತಿಳಿಸಿದೆ. ವೊಡಾಫೋನ್ ಐಡಿಯಾ ಬ್ರಿಟನ್‌ನ ವೊಡಾಫೋನ್ ಗ್ರೂಪ್ ಮತ್ತು ಐಡಿಯಾ ಸೆಲ್ಯುಲಾರ್‌ನ ಭಾರತ ಘಟಕದ ಸಂಯೋಜನೆಯಾಗಿದೆ.
ಬಿಲಿಯನೇರ್ ಮುಖೇಶ್ ಅಂಬಾನಿಯವರ ರಿಲಯನ್ಸ್ ಜಿಯೋ ಪ್ರವೇಶದಿಂದ ಭಾರತದ ಟೆಲಿಕಾಂ ವಲಯದಲ್ಲಿ ಭಾರೀ ದೊಟ್ಟ ಬದಲಾವಣೆಯಾಗಿತ್ತು. ಹೀಗಾಗಿ, ಕೆಲವು ಪ್ರತಿಸ್ಪರ್ಧಿಗಳನ್ನು ಮಾರುಕಟ್ಟೆಯಿಂದ ಹೊರಬರಬೇಕಾಯಿತು. ಪರಿಣಾಮ ಸರ್ಕಾರಕ್ಕೆ ನೀಡಬೇಕಾದ ಬೃಹತ್ ಬಾಕಿಗಳು ಟೆಲಿಕಾಂ ಕ್ಷೇತ್ರದ ತೊಂದರೆಗಳನ್ನು ಹೆಚ್ಚಿಸಿವೆ.
ಕಳೆದ ವರ್ಷ ಜನವರಿಯಲ್ಲಿ ವೊಡಾಫೋನ್ ಐಡಿಯಾ ಮಂಡಳಿಯು ಸರ್ಕಾರಕ್ಕೆ ನೀಡಬೇಕಾದ ಬಾಕಿಗಳನ್ನು ಈಕ್ವಿಟಿಯಾಗಿ ಪರಿವರ್ತಿಸಲು ಅನುಮೋದಿಸಿತ್ತು. ಈಗ ಸರ್ಕಾರ ಅದಕ್ಕೆ ಒಪ್ಪಿಗೆ ಸೂಚಿಸಿದೆ. ವೊಡಾಫೋನ್ ಐಡಿಯಾ ಷೇರುಗಳು ಬಾಂಬೆ ಸ್ಟಾಕ್ ಎಕ್ಸ್‌ಚೇಂಜ್‌ನಲ್ಲಿ 6.89 ರೂ.ಗೆ ಕೊನೆಗೊಂಡಿದೆ. ಈ ಹಿಂದೆ ಮುಕ್ತಾಯಗೊಂಡ ವಹಿವಾಟಿನ ಬೆಲೆಗಿಂತಲೂ ಶೇ. 1.03 ರಷ್ಟು ಹೆಚ್ಚಾಗಿದೆ.
ಕಂಪನಿ ನಡೆಸಲು ಮತ್ತು ಅಗತ್ಯ ಹೂಡಿಕೆಯನ್ನು ತರಲು ಆದಿತ್ಯ ಬಿರ್ಲಾ ಗ್ರೂಪ್‌ನಿಂದ ದೃಢವಾದ ಬದ್ಧತೆಯನ್ನು ಪಡೆದ ನಂತರ ವೊಡಾಫೋನ್ ಐಡಿಯಾದ ಬಡ್ಡಿ ಬಾಕಿಯನ್ನು ಈಕ್ವಿಟಿಯಾಗಿ ಪರಿವರ್ತಿಸಲು ಸರ್ಕಾರ ನಿರ್ಧರಿಸಿದೆ ಎಂದು ಟೆಲಿಕಾಂ ಸಚಿವ ಅಶ್ವಿನಿ ವೈಷ್ಣವ್ ತಿಳಿಸಿದ್ದಾರೆ.
